Gizarte Eraldaketarako Sentsibilizazioa eta Hezkuntza

Gako nagusiak:

• Jarrera ideologikoa: Bizitzaren zaintzaren aldeko hautu argia egitea: pertsona ahulenak, herriak eta Natura erdigunean jarriz.
• Prozesua: Epe labur, ertain eta luzeko lan jarraitua, esperimentazioan eta parte-hartzean oinarritua.
• Izaera sozio-hezitzailea: Hezkuntzaren eremu formal, ez-formal eta informalean garatzen dena, baita gizarte-esparru zabalagoan ere.
• Ahalduntze indibidual eta kolektiboa:
• Errealitatearen analisi kritikoa sustatzea.
• Erantzukizun partekatua eta konpromisoa indartzea, ekintzara eta eraldaketara igarotzeko.
• Ikuspegi glokala: Tokian tokiko jarduna, ikuspegi globala galdu gabe: gure ekintza guztiak elkarri lotuta daude. Txikiak eta tokikoak ere eraldatzaile izan daitezkeela aitortzen dugu.
• Garapenaren ikuspegi zabala: Garapena ez da dimentsio ekonomikoa soilik; pertsonen arteko harremanak, kolektiboen artekoak, herrialde aberastuen eta pobretuen artekoak, eta Naturarekiko harremanak ere barne hartzen ditu.
• Sustatzen diren balioak: Gizarte-justizia, giza eskubideak, elkartasuna, ekitatea, komunitatea, kulturartekotasuna eta aniztasuna, parte-hartze soziala eta Natura eskubidedun subjektu gisa aitortzea.
• Ekofeminismoaren aldeko apustua:
  • Ekofeminismoa filosofia eta praktika feminista da, emakumeen eta Naturaren arteko loturatik sortua, eta sistema patriarkal, kolonial eta kapitalistak bizitza —emakumeena, herriena eta Naturarena— menperatu eta etekinen logikari subordinatu diola salatzen du.
• Alternatibak proposatzen ditu bizitza, zaintzak, ekodependentzia eta interdependentzia sistemaren erdigunean kokatzeko, bizitza duina —bizitzea merezi duen bizitza— eraikitzeko.

Laburbilduz: Kontzientzia hartzea eta pertsonen, kolektiboen eta herrien mobilizazioa sustatzea, ekintzara igarotzeko eta bizitza edozein balioren gainetik jarriko duen mundua eraikitzeko.