Sentsibilizazio eta Hezkuntza Proiektuak
Begirada Kontzienteak erakusketa
Argazki-erakusketa hau, Fernando Moleres, Sergi Cámara eta Nora Arroita Gómez-en argazkiekin, 2014ko apirilaren 1ean estreinatu zen Donostiako Giza Eskubideen Zinemaldiaren barruan, eta Fernando Moleres bertan izan zen bisita batzuk egiten.
Harrezkero, erakusketa Gipuzkoako hainbat herritan izan da, eta bertako talde, erakunde eta gizarte-mugimenduekin lankidetzan, erakusketak lantzen dituen gaiekin lotutako jarduera osagarriak egin dira, hala nola zinema-forumak, hitzaldiak, bisita gidatuak eta abar.
Erakusketarekin batera, azaldutakoa hobeto ulertzen eta bereganatzen laguntzen duten hainbat elementu, material eta ariketa daude. Gida didaktiko bat ere badu, Calcuta Ondoanen laguntzarekin edo gabe erabil daitekeena. Eskatu iezaguzu!
Erakusketari buruz
Erakusketaren helburua globalizazioaren eta sistema neoliberal-patriarkalaren ondorio kaltegarriei buruzko hausnarketa kritikoa sustatzea da, Giza Garapen Iraunkorraren kontzeptuan oinarrituta.
Erakusketaren bidez, herrialde aberastuek herrialde pobretuetan gertatzen diren injustizia- eta diskriminazio-errealitateekiko duten ERANTZUNKIDETASUNA islatzen da, hau da, “zer egin dugu Iparraldean Hegoaldean egoera bidegabeak/desberdintasun-egoerak eta abar gerta daitezen laguntzeko edo saihesteko”. Horretarako, Fernando Moleresen eta Sergi Cámararen argazkiak ditugu, mundu osoko injustizia-errealitateak ezagutzeko, eta, bestetik, Nora Arroita Gómezen argazkiak –«Begirada kontzienteak» lehiaketaren irabazlea–, injustizia horiek iraunarazten nola laguntzen dugun edo ez dugun laguntzen erakusten digutenak.
Argazkiak
Ideia horretatik abiatuta, gaiak lantzen dituzten 4 argazkiko 6 sail tematiko aurkezten dira. Gai bakoitzarekin lotutako hainbat bideo eta dokumental ere erakusten dira:
1. ZABOR ELEKTRONIKOA. «Herrialde aberastuen txatarra»
F. Moleresen argazkiak. Akra, Ghana.
Gomendatutako bideoak
Obsoleszentzia programatua: «Comprar, tirar, comprar» dokumentala
Zabor elektronikoa: «Tragedia electrónica» dokumentala
Baldintza duinetan erauzitako mineralak dituzten telefono mugikorrak: «Lo que tu móvil esconde»
F. Moleresen bideoa Ghanako eta Pakistango zabortegi honi buruzkoa
2. GOSEA ETA ELIKADURA-SUBIRAUTZA «Arazoa ez dira baliabideak, horiek banatzen eta kudeatzen dituena baizik»
F. Moleresen argazkiak.
Gomendatutako bideoak
Susmopeko elikagaiak: «Soberania alimentaria como derecho»
Kontsumo kontzientea Donostian: AntiguaOtarrak, «AntiguOtarrak kontsumo taldea»
3. GLOBALIZAZIOA, DESLOKALIZAZIOA «Moda globalaren trapu zikinak»
F. Moleresen argazkiak.
Gomendatutako bideoak
38 € Bangladeshko langile baten gutxi gorabeherako soldata; 38 taila izan ohi da enpresa handien eskaintzez gozatzeko gehieneko taila: «Cortometraje 38»
Donostiako kontsumo arduratsu, kontziente eta eraldatzailearen sarea: «Saretuz»
Kontsumo arduratsua: «¿Qué es el consumo responsable?»
4. GENERO-ARRAZOIENGATIKO DISKRIMINAZIOA «Emakumeen aurkako indarkeria anitzak»
F. Moleresen argazkiak.
Gomendatutako bideoak
Emakumeak eta altermundismoa: «Invisibles, igualdad de género»
Lanaren eta familiaren bateragarritasuna: «El milagro de la conciliación»
Mugimenduan diren feministak indarkeria matxisten aurrean: «Martxan/ En movimiento»
5. HAURREN LAN-USTIAPENA «Lapurretan hartutako haurtzaroak»
F. Moleresen argazkiak.
Gomendatutako bideoak
Haurren ustiapena: «Una lacra por erradicar»
6. MIGRAZIO-FLUXUAK «Bizirauteko beste leku batera joatea eta bertan bizitzea»
F. Moleresen argazkiak.
Gomendatutako bideoak
Krisi ekonomikoaren ondorioz jatorrizko herrialdeetatik emigratu behar izan duten pertsona guztiei eskainitako bideoa: «La Sopresa»
Europar Batasuneko errefuxiatuen enkantea: «¿Quién da menos?»
Alboko familia, igandeko bazkari berezi eta desberdin bat: «Bizilagunak»
Argazki Lehiaketari buruz
2013an zehar, lehiaketa bat egin zen sail tematiko bakoitzeko argazki bat sartzeko, iparraldeko edo herrialde aberastuetako pertsonek (normalean «garatu» gisa ezagutzen diren herrialdeetan bizi garenok) F. Moleresen eta S. Cámararen argazkietan irudikatutako hegoaldeko herrialdeetako errealitateekiko duten erantzukizuna erakusteko.
Lehiaketaren irabazlea Nora Arroita Gómez izan zen, eta erakusketa bere argazkiekin ere osatzen da.
«Begirada Kontzienteak» erakusketaren ezaugarriak
FERNANDO MOLERESek eta SERGI CÁMARAk utzitako argazkiak
- 4 argazki sail bakoitzeko (deslokalizaziokoan izan ezik, horretan 5 baitira). Guztira 100 cm (zabalera) x 70 cm (altuera) neurriko 25 argazki
- 21 cm x 13 cm-ko 24 argazki-oin
- 6 azalpen-panel, 1 sail bakoitzeko, 70 cm x 50 cm-koak
2013ko «Begirada kontzienteak» lehiaketatik eratorritako argazkiak
Argazki «laguntzaileak edo paraleloak» deitu diegu. F. MOLERESen eta SERGI CÁMARAren argazki-sailetan agertzen denaren errealitate paraleloa edo kontrajarria islatzen duten argazkiak dira. Sail bakoitzean erakutsitako errealitateen gainean dugun erantzukizuna erakusten duten argazkiak dira. Sail bakoitzeko bat dago. Lehiaketaren irabazlea Nora Arroita Gómez izan zen.
- 70 cm x 50 cm-ko 6 argazki
- 21 cm x 13 cm-ko 6 argazki-oin
Sarrerako 2 panel, 70 cm x 100 cm-koak bakoitza:
- Fernando Moleres, Sergi Cámara, Nora Arroita eta Calcuta Ondoan GGGKEren aurkezpena
- Erakusketaren kartel orokorra
ERAKUSKETA INSTALATZEKO BEHAR DIREN METRO LINEALAK
34,8 m lineal gure materiala soilik. Pieza bakoitzaren artean 30 cm-ko tartea utzita, 46 m lineal inguru (erakusketa egokitu daiteke, material eta/edo argazki batzuk kenduta)
Erakusketa osorik edo zati batean eska daiteke.
Erakusketa hau zure zentroan edo udalerrian instalatzea nahi baduzu, jarri gurekin harremanetan!
Azken proiektuak
Ahots Txikiak, Aldaketa Handiak
Ahots txikiak, aldaketa handiak hezkuntza-programa bat da, gutxienez ordu eta erdiko tailer dinamikoen bidez gauzatzen dena, hainbat gunetan…
Sariaz Harantzago erakusketa
Emakume Indiarrak Ekitaterantz Bidean.
Erakusketak emakume indiarren errealitatea erakusten du…
20 urteko lan integrala eta komunitarioa – Kordoba, Argentina
Argazki-erakusketa honek La Morera Fundazioak Argentinako Córdobako eremu kalteberetan egiten duen integrazio komunitarioko lana erakusten du …
- 1
- 2
- Hurrengoa »
Azken proiektuak
Calcuta Ondoan ONGD es una Organización Declarada de Utilidad Pública, además reconocida por la Diputación Foral de Gipuzkoa como Organización prioritaria por lo que podrás desgravar hasta un 30% en tu próxima declaración de la renta.