Garapen Lankidetza Calcuta Ondoanen
1999tik Indiako tokiko erakundeak babesten ditugu, eta haien bidez garapenerako hainbat proiektu sustatu eta laguntzen ditugu.
Proiektu horiek epe luzerakoak dira, eta komunitate ahulenen osasuna, hezkuntza eta garapen sozial zein ekonomikoa hartzen dituzte barne, baita Naturaren Eskubideen defentsa ere.
2024an Cordoba hiriko (Argentina) auzo behartsuetan hasi ginen lanean. 2025ean Nepaleko eta Bhutango hainbat erakunderekin ekin genion lankidetzari.
Emakumeen ahalduntzea lantzen dugu bereziki, diskriminazio handiena pairatzen baitute, bai eremu pertsonal eta familiarrean, bai gizartean eta politikan. Horregatik, genero-ekitatea gure jarduera guztietan txertatzen dugu.
Asiako kultur eta erlijio aniztasuna eta aberastasuna kontuan hartuta, pertsonen eta herrien nortasuna, baita haien erlijio eta sinesmenak ere, une oro errespetatzea zaintzen dugu.
Tokiko langileekin, profesionalekin eta boluntarioekin soilik egiten dugu lan. Behar denean, haien gaitasunak indartzen ditugu eta komunitateen parte-hartzea sustatzen dugu. Kooperanteak salbuespenezko egoeretan bakarrik bidaltzen ditugu.
Lankidetza Proiektuak eta Ikuspegi Ekofeminista
Gure lana batez ere Asian garatzen da, bereziki Indian (1999tik). Nepalen eta Bhutanen ere aritzen gara. 2024tik aurrera, Argentinan ere hasi gara lanean.
Gure jarduera hiru oinarritan sustraitzen da: Emakumeen Eskubideak, Giza Eskubideak eta Naturaren Eskubideak. Horregatik, urte hauetan zehar, Giza Eskubideen eta mugimendu Feminista zein Ekofeministetako tokiko erakundeekin aliantzak ehuntzen joan gara.
Ildo horretan, Calcuta Ondoan-ek bere estrategiak ekofeminismoan oinarritzen ditu; izan ere, ikuspegi horrek emakumeen eskubideen aldeko borroka, pobrezia egoeren aurkako lana eta ingurumenaren defentsa uztartzen ditu. Ekofeminismoak emakumeen zapalkuntzaren eta Naturaren ustiapenaren arteko loturak ulertzea eta horiei aurre egitea bilatzen du.
Proiektuak gure bazkide eta laguntzaileen kuoten, dohaintzen, laguntza instituzionalen eta kooperatiben zein enpresen ekarpenen bidez finantzatzen dira.
- Guztiak
- India
- Nepal
- Bhutan
- Argentina
Dalit eta Santal emakumeen elkarteak indartzeko aliantza feministak
2003an Self Help Groups kontzeptupean emakumeen ahalduntzerako proiektuak babesten hasi ginen…
Argizko Emakumeak
2015eko abuztuan, Loiolako Eguzki Lanparen Fabrikazioan Gaitzeko Zentroa inauguratu zen…
Agroekologia biodibertsoaren bidez emakumeen ahalduntzea
2016an Navdanya babesten hasi zen, Vandana Shiva doktoreak sortutako erakundea, hazi-bankuak martxan jartzeko…
GIB+ duten pertsonen osasun inklusiboa eta gizarteratzea
Proiektu hau 2006an hasi zen, gure laguntzarekin. Proiektuak arreta integrala eskaintzen die VIH+ duten pertsonei eta haien familiei…
Gizarte inklusibo baterako emakumeen ahalduntzea
Proiektu honen bidez, emakumeen erresilientzia, ongizate mentala eta babes sistemak indartzeko lan egiten da sei barrutitan…
Agroekologia eta kooperatibismoa ahalduntze pertsonal eta komunitariorako bide gisa
Elikagaien ekoizpen agroekologikoa eta hazi bankua, Flor de Laburo emakumeen kooperatibaren bitartez Argentinan…
Erakunde, familia eta komunitate mailako indartze integralerako proiektua
Proiektu honen bidez, emakumeen, haurren eta nerabeen ahalduntzerako komunitate-jarduerak indartu nahi dira…
Bhutanen GIBa desagerrarazteko sentsibilizazio eta hezkuntza kanpainak
Bhutanek aurrerapen goraipagarriak egin ditu hiesa desagerrarazteko mundu mailako helbururantz; hala ere, GIB bidezko infekzio berriek…