Koronabirusa Indian
Gaur egun birusak Indian duen hedapena ez da gure inguruan jasaten ari garen zenbakietara iristen. Zoritxarrez, eta Indiako Gobernua neurriak hartzen ari den arren, 1300 milioi pertsona dituen herrialde batean birusaren eta beharrezko konfinamenduaren ondorioak dramatikoak izango dira datozen asteotan.
Indiako pertsona ahulenek ez diote birusari bakarrik aurre egin behar, baita goseari ere. Izan ere, biztanleriaren %70ak egunero lan egin behar baitu egunean gutxienez jatordu bat izateko.
Sakatu hemen Indiak gaur egun duen egoerari buruzko informazio gehiago nahi izanez gero.
Gure ekintza asko atzeratu egin dira, ezin baitugu ez bilera, ez ikastaro ezta kalera irten ere.
Osasunarekin lotutako ekintzak, hala nola Indore, Kandhwa eta Jaipurren laguntzen ditugun GIB-HIES proiekuak edo Trivandrum-eko Buruko Osasun Zentroak martxan jarraitzen dute. Genero indarkeriaren biktimen harrerarako proiektuek ere aurrera darraite, biktimei telefono bidezko arreta eskainiz eta Kolarreko Indarkeriaren Biktima diren emakumeen zentroa adin txikikoak hartzeko birmoldatuz.
Indian ere jendeak etxean geratu behar du. Hori dela eta, gure bertako bazkide den SISP-en ekimena bezalakoak sortzen doaz, Kovalamen (Kerala): Gurpil gaineko Janaria deitu diote, familia behartsuenei laguntza bideratzeko sortua, beren etxeetan irten gabe eta askotan jatekorik edo argindarrik gabe dauden familiak.
Hemen bezala, Indian ere konfinamendua ezarri da. Ezin da lanera irten. Familiek beldur handiagoa diote gaurko goseari biharko gaixotasunari baino.
Maskarak ekoizten ere hasi dira, ospitale, polizia eta familia behartsuenei banatzeko.
Lagundu nahi duzu?
Jasotako diru guztia gure bertako bazkide den Indiako SISP-era bideratu eta janaria, xaboia, maskarak eta lehen beharretara zuzenduko da.
FIARE ES38 1550 0001 2100 0071 8122
KUTXABANK ES80 2095 5008 2210 6257 2119
PAYPAL
Gaur arratsean, balkoira txalotzera irtetean, gogora zaitez Indian eta beste herrialde batzuetan, bere indar guztiaz lanean ari diren osasun langile, gizarte laguntzaile eta borondatezko lankideekin. Arratsalde honetan, txaloa ere beraientzat izango da.
Ez ezazu ahaztu zure izen osoa eta NA zenbakia. Zure laguntzak hurrengo errenta aitorpenean %30erainoko desgrabazioa izango du.