La Morera Fundazioko eta Mujeres Activando Coop-eko 2 ordezkariren bisita.
2026ko otsailaren 16tik 20ra, bisita oso berezia jasoko dugu GIPUNKORA, Argentinatik, La Morera Fundazioari eta Mujeres Activando koop.-i esker; erakunde horrekin urtebetez elkarlanean aritu gara Calcuta Ondoanen. Egun hauetan zehar, Kordobako (Argentina) Mujeres Activando kooperatiba feministaren ordezkari den “La Jeka” eta GIzpūrko hainbat jardueratan parte hartuko duten Matías Jaimovich sortzaile eta proiektu teknikaria izango ditugu gurekin.
La Jeka sortzailea eta aktibista feminista da, musika, artea eta idazketa erabiltzen dituena gizarte eta komunitate eraldaketarako tresna gisa. Bere ibilbide osoan zehar, genero-indarkeriaren aurkako borrokan, emakumeen ahalduntzean eta naturaren zaintzan jarri du arreta, beti ere ikuspegi kultural, sortzaile eta komunitario batetik. Bere lana oso aitortua izan da Kordoba hirian ekimen sozial eta kulturalak sustatzeagatik.
Bisita hau ospatzeko, Calcuta Ondoanek hainbat jarduera ireki eta parte-hartzaile antolatuko ditu, kultura, feminismoa eta komunitatea batu nahi dituztenak. Horien artean, rap feministari buruzko tailer teoriko eta praktikoak egingo ditugu, rapa adierazpen, ahalduntze eta gizarte eraldaketa modu gisa hartu nahi duten emakumeei zuzenduta.
Tailerrak honako leku hauetan egingo dira:
- Otsailaren 17an, Donostiako Emakumeen Etxean. Izen-ematea: https://n9.cl/godow3
- Otsailaren 18an, Zarauzko Emakumeen Etxean. Deitu 943 00 51 36 telefonora, edo bidali WhatsApp mezu bat 688 77 21 33 zenbakira.
- Otsailaren 19an, Kulturarteko Plaza Feminista Hernani. Izena emateko, deitu 943 431 849 telefonora edo bidali mezu elektroniko bat hezkuntza@calcutaondoan.org helbidera.
Tailer hauetan honako hau lortu nahi dugu:
- Idazketa sortzailearen bidez norberaren adierazpena sustatzea.
- Feminismoari buruz hausnartzea musikan, rapa genero ikuspegitik aztertuz.
- Erritmoa, inprobisazioa eta interpretazioa bezalako tresna teknikoak lantzea.
- Emakumeen arteko sareak sendotzen laguntzen duten espazio seguruak sortzea.
Metodologiak talde-dinamikak, banakako ariketak, abestien analisia eta sormen-praktikak uztartuko ditu, beti ere parte-hartzea eta esperientzien trukea azpimarratuz.
Gainera, La Jeka eta Matíasen bisitak La Morera Fundazioaren lana bi hezkuntza-zentroetara hurbiltzeko aukera emango digu. La Morera Argentinako gizarte-erakunde bat da, emakumeekin, gazteekin eta komunitateekin lan egiten duena, kultura, hezkuntza herrikoia eta sormen-prozesuak erabiliz eskubideak defendatzeko, genero-berdintasuna sustatzeko eta gizarte-justiziarantz aurrera egiteko. Mujeres Activando bezalako ekimen feministak babesten dituzte eta komunitate-sareak indartzeko konpromisoa hartu dute ikuspegi feminista eta kultura herrikoi batetik.
Egun hauetan zehar bilerak, truke espazioak eta erakundeen topaketak ere izango ditugu, eta horrek Hegoalde Globaleko esperientziak gure inguruneko borrokekin eta errealitateekin elkarrizketan jartzeko aukera emango digu.
Informazio gehiago nahi izanez gero: hezkuntza@calcutaondoan.org
Azken sarrerak
Txotxongiloak eta komunitate istorioak Panduan
Birziklatutako 10 kiloko egunkari-paperekin, Indiako Panduako 8 emakumek eta 13 haurrek tamaina naturaleko 21 txotxongilo sortu zituzten beren komunitateko istorioak kontatzeko.
Hilabete bat Pokharan: lurraldetik ikasten
Daniel Ortizek, Hegoa-EHUko Garapena eta Nazioarteko Lankidetza masterreko ikasleak, Nepalgo lehen inpresioak partekatzen ditu, Pokharan Calcuta Ondoanen erakunde aliatua den Kopila Nepalen lana hilabetez lagundu ondoren.
Vandana Shiva “Eko apartheid-etik Lurraren demokraziara”
Maiatzaren 27an, astelehenean, 18:00etan, EHUko Carlos Santamaría Zentroko auditorioan, Donostian, Vandana Shiva indiar ekintzailetzak hitzaldia emango du.
- « Aurrekoa
- 1
- 2
- 3
- 4
- 5
- Hurrengoa »
Egin dohaintza bat
Calcuta Ondoan ONGD es una Organización Declarada de Utilidad Pública, además reconocida por la Diputación Foral de Gipuzkoa como Organización prioritaria por lo que podrás desgravar hasta un 30% en tu próxima declaración de la renta.
